Ivo, 12 jaor geleeje alweer, d'n tied vluug. vriendinkes, studentetied, vakantie met vrinde... ik heb ut allemaol meuge meimake, dich neet. Heb nog dök aan dich gedach de aafgeloupe jaore. Ut besef wuurd met de jaore allein maar groëter det weej van elke daag motte geneete, aangezeen des dich en helaas nog vuul andere det noeit hebbe gekind of nimmer kinne. Op de basisschoel waas dich mien maatje. kin mich herinnere det weej urges rond groep 7/8 oetein getrokke waorte umdes dich nao de Lings moos. Vanaaf toen hebbe we os eigelijk ein bietje oet ut aug verlaore. Ik kwaam geer beej och op de galgeven, dich hads altied de niejste spelle. Stunts, det deeje weej maar al te geer en dien mam zörgde dan good veur os. det is iets fijns oet mien jeug wat ik beej mich draag en noeit zal vergaete. Auk schaam ik mich. Toen ik hoord wat dr met dich gebeurd waas zoot ik in de 1ste, beej Nicky in de klas. Volges mich woende geej toen inmiddels op of in de buurt van de kaldekerkerwaeg. Dich loogs thoes opgebaard en ik woel geer komme kieke, neet gedaon. drnao begrafenis, auk neet gewaes. nao dien graaf, auk noeit gewaes. Heb met zulke dinger noeit um kinne gaon, maar zoeals ik al int begin zei, ik heb wal alder meuge waere en heb baeter met verlees um kinne gaon. Ivo, ik kom rond de kersdaag buurte beej dich. Gedraag dich dao baove! Raoul