Herinneren is een vorm van ontmoeten…

Vaar joar leden alweer, en elke keer denk ik: "woarom nou toch? "
Van die leerde ik braaien en n poar ezelsbruggetjes veur op school. We gingen met mekoar pootje boaden in t wotter van wat nou A. G. Wildervank kanoal hait. Ons moe, zuske Harma doe en ik. t Wotter was dou nog helder en der waren poelen. Inains gingst n inde onderoet, wie konden die der mor net oettrekken, ons moe en ik. Kleddernat op fietse weer noar hoes tou.
Dat we met groepje jongeren noar Parkzicht gingen om noar Cuby & Blizzarts te kieken en luusten. Of dou datzulfde plougje noar t Hemelriekje gingen op fietse. In zo'n zummer als dizze. De zummer van vaar joar leden vergeet ik nait, ik was op t strand op Texel en der kwam iederbot n maiwe bie ons, net alsof hij ons wat verteln wol. En dou s oavends dat verschrikeklek bericht dat doe en Karmen der nait mer waren. Joe binnen der nait meer mor in of oet mien haart zelst nooit verdwienen.
Jantje.